Terreiro de la Lhéngua 25

110. L galho bielho

up.pt/casacomum — Fri, 08 May 2026 16:36:35 +0000

“Cócórócócó! Cócórócócó! L galho ten un sporon dourado! Mas l amo ye un ourdinário i pa la ruga fui ampuntado!”

Ua cuonta tradecional finlandesa, adaptada para mirandés por Alcides Meirinhos i cuntada por Teresa Martins.

109. L rato, l páixaro i la chouriça

up.pt/casacomum — Fri, 17 Apr 2026 16:48:41 +0000

Ua cuonta de ls Grimm cun traduçon i adaptaçon para mirandés por Alcides Meirinhos i locuçon de Teresa Martins.

108. Cuorre, cuorre bobidica

up.pt/casacomum — Fri, 06 Feb 2026 16:54:55 +0000

“Stou tan fraquita, nien gusto tenerei! Deixa-me ir a la fiesta, melhor tornarei cula barriga chena de miel i farina poderás nessa data quemer-me anteirica cun cesta i caiata!”

Ua conta de Alice Vieira. Traduçon i adaptaçon para mirandés por Alcides Meirinhos.

107. Manolico

up.pt/casacomum — Wed, 21 Jan 2026 15:39:47 +0000

“Naquel tiempo nien ls más foutos s’astrebien a cruzar la sierra. Por menos de nada, salie un tiro a retumbar nas ourrietas caras a la sierra de la Culebra. Naide sabie se era caça fuora de tiempo, pastor a spantar ls lhobos ou ajuste de cuontas para remortigar sapeiras nacidas antre rojos i falangistas.”

Ua cuonta de Alcides Meirinhos.

106. L Gato de las Botas

up.pt/casacomum — Thu, 08 Jan 2026 11:00:09 +0000

“Era ua beç... .... un home mui probe que tenie trés filhos. Un die quedou mui malico até que se morriu i, de hardança, deixou un molino, un burro i un gato. Ls armanos más bielhos quedórun cul molino i cul burro. Sobrou l gato pa l más nobico.”

Boç: Suzana Ruano. Traduzido pa l mirandés por Alcides Meirinhos.

105. Trés cochinicos

up.pt/casacomum — Thu, 04 Dec 2025 13:14:42 +0000

“Era ua beç…

…trés cochinicos que bibien no monte cun sue mai. Un die, cumo yá eran moços, resuolbírun ir a bibir cada qual para sue casa.”

Boç: Suzana Ruano. Traduzido pa l mirandés por Alcides Meirinhos

104. Ls gambusinos de Furmino

up.pt/casacomum — Mon, 10 Nov 2025 18:02:27 +0000

"I sabes que más? Lhebórun-lo eilhi pal pie de la silbeira a la punta de baixo de la tierra de Tiu Abelino i deixórun-lo de zinolhos na niebe ancarambinada c’ua saca abierta a spera que ls gambusinos antráran..."

Esta cuonta, screbida por Alcides Meirinhos, de Cicuiro, fai parte de l manhuço de cuontas an mirandés que partecipórun ne l “II PREMIO MEMORIA ESCOLAR RURAL” patrocinado pul Ayntamiento de Fonfría, la Ounibersidade de Salamanca i la Casa del Maestro an Ceadeia.

103. L nabo gigante

up.pt/casacomum — Wed, 08 Oct 2025 15:38:58 +0000

Ua cuonta que ansina l balor de l trabalho an eiquipa, amostrando que até ls mais pequeinhos — cumo l ratico — son amportantes quando todos s’ajúntan para fazer algo.

Boç: Suzana Ruano. Traduzido pa l mirandés por Alcides Meirinhos.

102. De la Speciosa a l'Almanha

up.pt/casacomum — Fri, 08 Aug 2025 00:07:13 +0000

"Só lhebaba bilhete até Paris, nun tirei más para alhá. Quando cheguei a la Gare de l Norte fui para antrar ne l camboio i nun me deixórun."

101. Ancabronar-se... an mirandés – Maria da Glória Lourenço, nacida an Custantin

up.pt/casacomum — Thu, 31 Jul 2025 14:43:42 +0000

"Ye cumo digo, siempre falei mirandés i quando chego a la caseta ampeçaba a pensar an mirandés. Outra cousa que a mi tamien me passaba i me passa inda hoije: se you stubir mi cuntenta mi cuntenta, you penso an mirandés, quedo cuntenta an mirandés. Será ua tuntada lo que you digo mas ye assi que me passa. Se stubir mi ancabronada tamien (risa…) ye an mirandés que you… (muita risa…) passa-me isto inda hoije..."

100. Centésimo eipisódio!

up.pt/casacomum — Fri, 27 Jun 2025 16:26:13 +0000

L centésimo eipisódio de l podcast Terreiro de la Lhéngua 25 ye un númaro mui amportante pa la promoçon i la balorizaçon de la lhéngua i la cultura mirandesa. Nel, Alcides Meirinhos, un de ls antuantes deste fincon de la lhéngua mirandesa cunta-mos todo suobre este trabalho: cumo aparciu l’eideia, la ourige de l nome Terreiro de la lhéngua 25, ls temas i las cumbersas que más lo marcórun.

99. Bibliotecas Bibas – Tie Marie i Tiu Diamantino

up.pt/casacomum — Wed, 14 May 2025 15:19:37 +0000

Tie Marie i Tiu Diamantino (que Dius tenga) cumbersórun i cuntórun passaiges de la sue bida, un retrato de la bida de la maior parte de ls mirandeses de l sou tiempo.

San Martino de Angueira, nobembre de 2021.

98. La manhana fui abaixando pula lharga nuite

up.pt/casacomum — Tue, 06 May 2025 09:53:20 +0000

Amadeu Ferreira fui un amante de la lhiberdade. Biu i bibiu la reboluçon de ls crabos por andrento. De l blog Cumo quien bai de camino, este testo de Amadeu Ferreira fui scrito an 25 d’abril de 2011.

97. L Folar de Adelaide Ruano

up.pt/casacomum — Fri, 11 Apr 2025 14:49:26 +0000

Uns dies antes de la Páscoa de 2022 stubimos na cozina de l forno de Adelaide Ruano a ber i a oubir l sou saber suobre las tradiçones desta época de l'anho que tan bien daprendiu de sue mai.

96. Querida armana Lhéngua Pertuesa

up.pt/casacomum — Wed, 26 Mar 2025 13:39:27 +0000

Carta da la lhéngua mirandesa a su armana la lhéngua pertuesa. Un testo de Aníbal Fernandes cun traduçon de Alcides Meirinhos, ALCM.

Glossairo – Glossário: agarimar – tratar com carinho aparato – engenho; máquina arresquinar – colocar num canto; votar ao desprezo atalancar – obstruir a passagem falar charro – falar mal fouta – afoita; sem medo lhugar – aldeia negar-se - desistir piçarra – xisto proua – orgulho; vaidade trato - acordo upa – ajuda

95. Eiduardo i Marie Sabel Lopes, de Fuonte Lhadron

up.pt/casacomum — Thu, 27 Feb 2025 11:27:27 +0000

– “You sou Eiduardo Augusto Lopes, Fuonte Lhadron, nacido i criado, miu pai era d’acá, mie mai era de la Granja.”

– “You sou Marie Sabel Pinto Lopes, fui nacida i criada na Granja , apuis casei-me cun Eiduardo Lopes.”

94. Marroneta i Carriço ne l nabal

up.pt/casacomum — Mon, 10 Feb 2025 14:47:59 +0000

“… habie dous muntones de nabos, un an cada punta de la huorta i la cuorda que ataba las béstias nun era cumprida bastante para que cada un fura a alambazar-se an sou munton.”

Ua cuonta para ninos de Suzana Ruano, cun rebison de Alcides Meirinhos.

93. L “Nabarrico”: Marie Stebes, de Pruoba

up.pt/casacomum — Thu, 30 Jan 2025 17:57:09 +0000

“Sabeis que se dában las roscas nos casamentos? L miu tiu ganhaba-las todas, corrie muito. Apuis anton, quando bieno a ber l “Nabarrico” – el staba an Pamplona a trabalhar i you tamien, apuis bin a tener l garoto an casa de mie mai – Caramona i Salazar nun deixában passar a naide pa la Spanha. Isto era la PIDE. Apuis l garoto naciu i el bieno, mas nun podie passar. Tubo que passar na raia de Fornielhos a pie, i you tamien, cula barriga grande, passemos por un cerrado que teniemos nos nagonalhos, a passar para Costantin, a pie.”

Antrebista a Marie Stebes, de Pruoba (Maria Esteves, de Póvoa, Miranda do Douro), abril de 2022 – Porjeto Ourrieta las Palabras.

92. La raposa i la ciguonha

up.pt/casacomum — Fri, 17 Jan 2025 14:19:36 +0000

“Quien apouca ls outros, puode acabar apoucado pula própia sperteza.”

"La raposa i la ciguonha", de las fábulas d’Eizopo.
De las “Fábulas de la Fontaine”, ua ediçon de Teófilo Braga, la mesmo cuonta, mas an berso, traduzida i adaptada pa l pertués por Curvo Semedo.

Traduçon pa l mirandés de Alcides Meirinhos.

91. L anho de la lhéngua calhada

up.pt/casacomum — Mon, 06 Jan 2025 17:19:16 +0000

“Quando l calendairo birou para un nuobo anho, la Lhéngua Mirandesa alhebantou-se cun fuorça renobada. Quedou cun l’eideia que sperar nun era l bastante”.

ALCM – Associaçon de Lhéngua i Cultura Mirandesa (pub. Jornal Nordeste, 07/01/2025)

90. Natal, de Miguel Torga

up.pt/casacomum — Mon, 23 Dec 2024 19:23:43 +0000

“Podie, an buona berdade, haber quedado an Loibos. Drumie, i l die a seguir, a la purmanhanica, metie-se a camino. Mas quei! Cismou cunsoar an persebe de nacéncia… I la berdade ye que nien casa nien família sperában por el.”

Traduçon i boç: Alcides Meirinhos, ALCM, Natal 2025

89. Jarónimo carteiro

up.pt/casacomum — Wed, 11 Dec 2024 12:51:56 +0000

“L padre ne l cunfessionairo nun oube más que you ne l miu oufício. Conheço estes pobicos todos de la tierra de Miranda. Las praças i las caleijas, Is chabolos i las casas de buiada. I la giente: Is ricos i Is probes, I nome de batismo i la nomeada; ls que se morrírun i Is que stan bibos, las alegries i ls delores, l'armana que se morriu ou la sobrina que nace l més que ben, I filho que pide denheiro ou l outro que yá fizo casa, este que se çcasou ou aquel que yá ten cumbersada.”

Ua cuonta de Alfredo Cameirão

88. I fazírun ua bicha sin fin

up.pt/casacomum — Tue, 19 Nov 2024 12:48:03 +0000

“Quien mirar para ua parede puode nada mais ber que muntones de piedras. Mas quien tubir uolhos, ye capaç de alhinar las paredes nua lhinha sin fin, arressaiando pula prainada cumo ua bicha que çfende, guarda i mete miedo al mesmo tiempo.”

Amadeu Ferreira, 2004

87. La cuonta de ls trés rius

up.pt/casacomum — Mon, 11 Nov 2024 13:38:44 +0000

"Era ua beç trés rius que nacírun an Spanha. Chamában-se Douro, Teijo i Guadiana. Stában un die a admirar ls anubrados i preguntórun-les d’adonde benien."

86. De ls namoros proibidos

up.pt/casacomum — Sat, 26 Oct 2024 13:57:13 +0000

“Se la bida ye custosa cun quien la giente quier star, quanto mais cun quien nun se quier?!”

Adelaide Monteiro – Monólogos de Solidon

85. La cunfisson dua xorda

up.pt/casacomum — Fri, 11 Oct 2024 10:55:53 +0000

“Aquel cura era mui ruin, mui ruin. Nun balie un pataco furado. Habie stado acá uns anhos. Un chapuço dun burro que parece que era mais analfabeto que muitos analfabetos de l pobo. Para dezir ua prática, era só a ralhar.”

Adelaide Monteiro – Monólogos de Solidon

84. L tou batizo

up.pt/casacomum — Fri, 27 Sep 2024 18:19:04 +0000

L die 17 de setembre de 2024 – die de La Lhéngua Mirandesa – ne l Salon Nobre de la Cámara de Miranda, fui apersentada la nuoba obra de Adelaide Monteiro, Monólogos de Solidon: un grande manhuço de cuontas colhidas de sue mai. Pul que yá mos amostrórun, staremos delantre dun de ls maiores fincones de la lhiteratura mirandesa. Hoije queda solo ua muostra.

83. Manuol Bandarra, pintor mirandés

up.pt/casacomum — Fri, 26 Jul 2024 10:25:48 +0000

Manuol Bandarra ye l pseudónimo de Manuel Ferreira, pintor mirandés de Sendin que naciu nua família que, zde mui cedo, s’apuso a fazer muitas “cousas que nun sírben para nada”, a nun ser pul gusto i la proua que dá an fazé-las. Durante l lhargo camino, fazírun cumpanha uns als outros, para nun s’anfadáren a meio, cunta el. Amadeu i Carlos screbien suobre la sue pintura, el para se çforrar, pintaba suobre la scrita deilhes. Mas isso, son cuontas doutro rosairo, cun ouraçones mui cumplicadas de rezar i antender. La sue bida nada mais nun fui a nun ser esto: “cachicos de lhuç arramados an papelicos, que nun sírben para nada…” La sue arte maior ye la pintura de augarielhas que de cierta maneira lo lhebórun a ser galardonado l passado die 10, die de la Cidade de Miranda. Home de poucas palabras, nós fumos a falar cun el nua cumbersa que eiqui deixamos. Bien hábas Manuol por tanta i tan buona arte que mos pon prouistos anquanto mirandeses i mormente tous amigos.

Antrebista de Alcides Meirinhos i Suzana Ruano (ALCM).

82. Tiu Ângelo Arribas

up.pt/casacomum — Sun, 07 Jul 2024 15:41:23 +0000

Tiu Ángelo Arribas, nacido i criado an Freixenosa, home de muitos oufícios, cumo el siempre diç, stubo cun nós a la cumbersa, ua grande cumbersa, an nobembre de dous mil i binte i un. L sítio, que el scolhiu, nun podie ser outro: las arribas de Freixenosa, l termo adonde se fizo gente, adonde daprendiu a ser l músico de referéncia que ye hoije, adonde sonhou i adonde bibiu muitas de las sues abinturas. La que el mos deixa eiqui parece salida dun dezeinho animado.

81. Tie Sabel de Bila Chana

up.pt/casacomum — Thu, 20 Jun 2024 14:35:05 +0000

Tie Sabel, nacida an Bila Chana, ne l tiempo an que ir a la scola era un luxo i las filhas mais bielhas éran ua grande ajuda para criar ls armanos mais nuobos. Fui l causo desta tie. Cuntou-mos ua buona parte de la sue bida i, talbeç por haber sido ua de las purmeiras antrebistadas ne l porjeto Ourrieta las palabras, ou por ser ua buona cuntadora de cuontas ou serie por you nesse tiempo tener ua nina de culeiros, que tanto trabalhico me daba, que me antrou ne ls suonhos dues nuites seguidas. Marcou-me i sei que deilha nun bou a squecer.

80. Ramiro, de Miguel Torga

up.pt/casacomum — Fri, 31 May 2024 17:28:40 +0000

"Quien passaba até demudaba la quelor. Fazie-se-le la alma pequeinha só de oubir an tal çcampado ua respuosta assi. Ye que daba grima! Pula manhana, alhebantaba-se antes de l própio lhaboreiro. Mas nie le pedie la bençon a la probe tie Talbina, que tenie aquel filho na cuonta dun castigo de Dius, nien le daba ls buonos dies al ganado. Corriu al calhas pula sierra arriba, i perdiu-se apuis nua lhadeira".

De Os Bichos, Miguel Torga. Traduçon pa l mirandés: Duarte Martins. Boç: Suzana Ruano

79. You i l 25 de abril – mimórias de la Raia nas cuostas dun paíç, Alcides Meirinhos

up.pt/casacomum — Fri, 24 May 2024 11:26:10 +0000

“Las aulas fúrun mui stranhas nesse die binte cinco, ls porsores andában mui sérios, falában pouco i parecien anquemodados cul siléncio que chegaba de las lunjuras de Lisboua, seinha de que la pasmaceira mirandesa poderie demudar.”

78. Tiu Domingos Pereira – Ida para Fráncia

up.pt/casacomum — Fri, 26 Apr 2024 12:57:21 +0000

“Fai pa riba de sessenta anhos que ls purmeiros mirandeses se scapórun deiqui para Fráncia. Apuis desse sgubiar de gente por ende afuora bemos l mundo a chegar a la nuossa tierra, gente que tal cumo ls que salírun i sálen deiqui, chégan an busca dua bida melhor. An tierras adonde la gente ye cada beç mais scassa, ber l mundo a chegar habie de ser mirado cumo ua riestra de spráncia. Para relembrar esses purmeiros abintureiros, queda eiqui un cachico de mais ua cunbersa de l porjeto Ourrieta las Palabras.”

77. Cuontas de l contrabando: Catrina Rosa Bicente, de Paradela

up.pt/casacomum — Mon, 08 Apr 2024 16:42:25 +0000

“Por bias de l projeto Ourrieta las Palabras, stubimos an Paradela a la cumbersa cun tie Catrina Rosa Bicente, contrabandista donde a onde, quando las piernas la deixában saltar peinhas i ribeiras”…

76. Falai-me an Mirandés!

up.pt/casacomum — Tue, 26 Mar 2024 19:11:57 +0000

“Cul porjeto Ourrieta las palabras, que ten cumo propósito grabar pessonas a falar an mirandés, an todos ls lhugares adonde inda se fala, mormente puls mais bielhos, antes de ampeçar la antrebista pedimos siempre: – Nun bos squéçades de falar siempre an mirandés, nien que a mi se me scape pal pertués, bós siempre an mirandés. La maior parte de las bezes respónden-me: – I anton cumo se me ha de scapar a mi la lhéngua se nun sei falar doutra maneira!?!”

Testo i boç: Suzana Ruano, Márcio de 2024

75. La mulhier de l cabreiro spanhol

up.pt/casacomum — Wed, 13 Mar 2024 18:03:25 +0000

“Habie un tiu spanhol que era cabreiro. Lhougo pula manhana fui-se culas cabras pal termo…”

Boç: Suzana Ruano

74. L criado mintiroso

up.pt/casacomum — Fri, 16 Feb 2024 18:19:42 +0000

“… na mie tierra bi ua raposa tan grande, tan grande cumo la puonte de ls siete arcos…”

Boç: Suzana Ruano

73. L derretir de la niebe i de l tiempo

up.pt/casacomum — Fri, 26 Jan 2024 16:00:49 +0000

“… ye esso que la niebe mos trai de nuobo: al derretir-se, scuorre por eilha l tiempo…”

Testo: Amadeu Ferreira (11 de Janeiro de 2010); Boç: Suzana Ruano.

72. Queima de l bielho – Cérceno (Cércio)

up.pt/casacomum — Fri, 12 Jan 2024 15:22:36 +0000

Se hai cousa que ls mirandeses traírun até hoije, además de la lhéngua, fúrun las tradiçones solesticiales. Nun haberá lhugar no cunceilho que nun las tenga, uas más badalhadas, outras menos, mas todas eilhas cun alma i rituales fantásticos que todos ténen proua an bibir para regar las raízes que bénen de tiempos… i quien sabe?!

Manténen-se, ye l que amporta.

71. La puorta de Aleixo Baltesar

up.pt/casacomum — Fri, 22 Dec 2023 15:01:45 +0000

“Calcido l cuorpo i l’alma, a pouco i pouco fui quedando marralheiro até cair cumo ua piedra nun suonho adonde cabien todos ls suonhos deste i de todos ls mundos.”

Ua cuonta de Alcides Meirinhos, dezembre de 2023

70. Manuol Ruano

up.pt/casacomum — Tue, 05 Dec 2023 22:53:52 +0000

“Al redor de l puial acotobelhában-se nun corre, queticos, sintados i prontos a scuitar l que Manuol, marenheiro i nabegador de todos ls mares, tenie para cuntar.”

Manuol Ruano, Nabegador de l Praino, testo de Alcides Meirinhos i dezeinhos de Ana Afonso, ALCM, Miranda, 2021.

Boç: Suzana Ruano

69. La checharra i la formiga

up.pt/casacomum — Mon, 20 Nov 2023 19:30:02 +0000

Más ua cuontica, an berso (a la moda de Bocage) i sien ser an berso. La Checharra i la Formiga (L Sartigalho i la Formiga ne l oureginal) diç que ye ua de las fábulas de Esopo i recuntada por Jean de La Fontaine an francés.

Traduçon i adataçon: Alcides Meirinhos; Boç: Suzana Ruano

68. L bielho, l rapaç i l burro

up.pt/casacomum — Tue, 31 Oct 2023 14:50:38 +0000

“Daprende, rapaç, a nun te amportar Se la boca de l mundo de ti marmuriar.”

L Bielho, l rapazico i l burro (La Fontaine). Traduçon i adataçon: Alcides Meirinhos; Boç: Suzana Ruano
L bielho, l rapaç i l burro (Sophia de Mello Breyner Andresen). Traduçon: Alcides Meirinhos; Boç: Suzana Ruano

67. Fraile Juan Çcuidado

up.pt/casacomum — Thu, 19 Oct 2023 12:15:19 +0000

”Fraile Juan, bou-te a dar ua adebina i se an trés dies nun fures capaç de me dar la respuosta, mando-te matar. Oubiste bien?”

Traduçon i adataçon: Alcides Meirinhos; Boç: Suzana Ruano

66. Pedro i l lhobo

up.pt/casacomum — Mon, 02 Oct 2023 11:45:00 +0000

…"desta beç l lhobo staba mesmo a matá-le las canhonas"…

65. Ls músicos de Bremen – ua cuonta de ls armanos Grimm

up.pt/casacomum — Fri, 04 Aug 2023 15:54:12 +0000

“… ampeçórun todos a cantar: l burro roznaba cun toda la alma; l perro lhadraba de malo; l gato miaugaba de miedo i l galho cantaba cun tanta fuorça que até las bidraças tlincában.”

64. La lhimpa

up.pt/casacomum — Fri, 21 Jul 2023 17:33:24 +0000

“La purmeira tornadeira chena alhebanta-se al aire. Lhougo outras apuis d’outras, purmeiro ralas apuis juntas, abánçan an ruda batalha, a caras l aire que crece.”

63. L Parrico Feio

up.pt/casacomum — Fri, 07 Jul 2023 18:31:32 +0000

"Era ua beç ua mai parra que puso cinco uobos..."

62. Para falar ua lhéngua an purmeiro hai que la falar mal

up.pt/casacomum — Thu, 22 Jun 2023 16:49:53 +0000

“…quando l assunto son las lhénguas minoritairas, cumo ye l causo de l nuosso mirandés, parece que hai la oubrigaçon de la falar bien mesmo que nunca la tengas falado, mesmo que nunca la tengas oubido…”

Por Suzana Ruano

61. L lhobo que bieno de Spanha

up.pt/casacomum — Tue, 06 Jun 2023 11:48:16 +0000

“Dixo l rei al filózofo: Dá-me agora un cunseilho de l home que dá cunseilho a outro i nun l dá a el própio.” Calila i Dimna

A partir de la cunta tradicional “L lhobo que bieno de Spanha”, publicada nas recuolhas eiditadas por Antonio Barbolo Alves (Lhiteratura oural mirandesa – Recuolha de testos an mirandés, Picote, Frauga, 2015), ls alunos de mirandés de la Scola EB2,3 de Sendin, cun la realizaçon de Carla Correia, de l’ ANILUPA (Associaçon de Ludotecas de l Porto), fazírun un filme d’animaçon que partecipou ne l festibal Cinanima de 2017. Cun el ganhórun l purmeiro prémio na categorie de jobes realizadores de menos de dezuito anhos.

Essa cunta fui oubida an San Martino, an 1998, de la boç d’Almerinda Afonso. Neilha s’ajúntan alguas de las caractelísticas de las chamadas “cuntas d’animales”: la maneira cumo ls mais fracos angánhan ls mais fuortes i tamien la forma cumo l mais fuorte ye castigado. Ancuntramos alguas de ls sues raízes an outores tan antigos cumo Aviano ou Fedro, mas tamien n’ouriente, an cuntas cumo l Calila i Dimna (q’era n’Eidade Média l lhibro mais traduzido a seguir a la Bíblia!).

Eiqui queda anton “L lhobo que bieno de Spanha”. Boç: Suzana Ruano.

60. Poemas bígamos – Fracisco Niebro

up.pt/casacomum — Fri, 26 May 2023 10:28:37 +0000

Fracisco Niebro, un de ls pseudónimos de Amadeu Ferreira, antre cembas de palabras que siempre mos traien algo de nuobo, publicou ne l lhibro Pul alrobés de ls calhos un de ls poemas más oureginales.

Porquei?

Bamos a oubir…

59. La perdiç i l Abade Manuol Sardina

up.pt/casacomum — Thu, 18 May 2023 12:26:35 +0000

“Antre uas queiruolas, yerba seca i bergontas de silba sanjoaneira reparou nun canheiro seguido adreitos a un coucon de perdiç…”

Ua lhona cuntada a Alcides Meirinhos subre l Abade Manuol Juquin Sardina, purmeiro Persidente de la Junta Republicana de San Martino de Angueira an 1910, por sue nieta. Boç: Suzana Ruano.

58. Las Maias, ua conta de Fracisco Niebro

up.pt/casacomum — Fri, 28 Apr 2023 12:25:23 +0000

“…quien nun quemir al menos ua castanha neste die purmeiro de maio puode quedar cun delor de cabeça para todo l anho…”

57. Reboluçon i Mulhier

up.pt/casacomum — Fri, 14 Apr 2023 17:25:54 +0000

“La reboluçon acunteciu i las ties ganhórun ls sous dreitos. Deixai-me dezir que inda nun son ls mesmos dreitos de ls tius i digo-lo cun ganas seguir demudando l mundo, cun ganas de tirar las palas a las ties deste mundo.”

Locuçon i testo de Suzana Ruano, cun un scerto de “Reboluçon i Mulhier” de Maria Velho da Costa.

56. L Rei Bai Znudo, ua conta de Hans Christian Andersen

up.pt/casacomum — Fri, 24 Mar 2023 15:20:19 +0000

“La ambora spargiu-se por toda la cidade: l rei tenie un fato que solo ls guichos éran capazes de se dar de conta del.”

55. L Conelhico Branco, ua cuonta de António Torrado

up.pt/casacomum — Tue, 14 Mar 2023 12:10:16 +0000

“– You sou la Cabra Cabrés, salto-te arriba i scacho-te an trés!”

54. Para falar an mirandés hai que lo mamar

up.pt/casacomum — Wed, 22 Feb 2023 17:51:29 +0000

Ou quiçás: “Para falar mirandés... ...hai que lo falar!”

___________________________

Testo i boç: Suzana Ruano Música: Perlinpinchin, trad. mirandés, por Las Çarandas

53. Antelgéncia Artefecial

up.pt/casacomum — Tue, 07 Feb 2023 18:48:41 +0000

"Hoije fala-se muito an antelgéncia arteficial, que ye cumo quien diç: ua maneira de las máquinas acháren caminos i apuntáren eideias, stribadas an grandes cembas de dados.

A un deses porgramas pedimos-le que mos cuntara ua cuonta de dous ninos a bibir an Miranda...

...l que fáien cula letecidade!"

52. Manifesto an Modo de Hino

up.pt/casacomum — Wed, 18 Jan 2023 17:55:38 +0000

“I quando, pul eimbierno, l fumo de ls chupones se fur spargindo cul aire por essas ourrietas, cabeços i canhadas, ls scaletos de la lhéngua han-de benir a calcer-se na boca dalgun bielho sentado al lhume culs nietos ne ls zinolhos. Mas, de tan angaranhidas, las letras, las palabras, nun seran capazes de s’ajuntar pa formar cuontas ó cantigas.”

Fracisco Niebro – setembre de 1999

51. Lhéngua – Fracisco Niebro

up.pt/casacomum — Fri, 06 Jan 2023 19:21:07 +0000

"Mesmo quando falaba pertués, era a la sue moda: bolbie cuostas i sentie la caçuada cumo baba a scorrir; outros éran mais çcarados i çpejában-le risicas cumo túndias."

50. L Natal de Matias

up.pt/casacomum — Wed, 21 Dec 2022 19:32:48 +0000

“Nien ls caramonos que sou armano i sue mai l dában para que se antretubisse lo fazien zbiar la eideia de l Natal na tierra de ls abós. I nunca más aparecie la fita de ginasta, azulada a sbolaciar parada ne l redundel de la strada a la antrada de la cidade.”

Ua conta de Alcides Meirinhos.

49. RFID - Eidentificaçon por Rádiofrequéncia

up.pt/casacomum — Mon, 12 Dec 2022 13:12:23 +0000

Eiqui atrasiado, screbie-se nun blogue de sou nome “L Bolo de l Beiso”. Alhá se cuntában cuontas, fazien-se bersos, amostrában-se dezeinhos… mormente para ninos. Todo era falado: cuontas de fadas i princesas, amboras, çcubiertas… i até las eiboluçones de la tecnologie cumo esta screbida an 2008. Cumo tal, quien diç que la lhéngua mirandesa solo sirbe para falar de canhonas i outras bidas agro pastoriles, al melhor oubírun la cuonta pula metade. Ye assi:

Ousada purmeiro na guerra an abiones armados para çcubrir ls que éran alemanes ou aliados.

Ne l Porto ye andante, bia berde nas portaiges brinco de baca amportante, chip de perros salbaiges.

Ye eitiqueta cun pilha que n’altemoble colamos para facelitar la bida se nas portaiges passamos.

Ne ls sotos fai pi pi pi quando sálen sien pagar, cada beç ye más assi la eitiqueta de l radar.

Has de passar cul carrico cheno de compras na caixa i nun tenerás que tirar café ou chicha ou bolaixa.

Son óndias sien lhuç nien son a ler toda cumenéncia: Cháman-le Eidenteficaçon Por Rádio Frequéncia.

Lhápeç de Piedra, 2008

48. Ua lhimpa ne l amprecípio de l séclo XX

up.pt/casacomum — Fri, 18 Nov 2022 00:57:09 +0000

"A 18 de nobembre de 1920 nacie an Cicuiro un rapazico de sou nome Jusé. Era l purmeiro filho de Tiu Albino Modarra i de tie Eimília. Cun treze anhos antrou no seminário de ls Salezianos i más tarde, yá cura, an 1961 scribe dalguas de las sues lhembráncias de nineç. La lhimpa ye ua de las “fiestas de l lhugar” retratadas nas palabras de l Padre Zé, que hoije fai 102 anhos!"

47. Nun deixes atamar la rábia

up.pt/casacomum — Fri, 04 Nov 2022 15:32:42 +0000

“…por agora, atama la passada que isso pon-te l zinolho manco a ouliar i nun trai l camboio. Solo te pido ua cousa: nun deixes atamar la rábia!”

46. Ourrieta las palabras – Tie Felisbina Fernandes

up.pt/casacomum — Thu, 20 Oct 2022 13:49:40 +0000

"Cun arrimado a 70 horas de grabaçones an lhéngua mirandesa, que este porjeto 'Ourrieta las Palabras – adonde mana la lhéngua' yá fizo, pareciu-mos ser esta la hora de dar a conhecer ua dessas bibliotecas, Tie Felisbina Fernandes, de Costantin, que de l alto de ls sous 95 anhos i ua mimória que assusta muita gente nuoba, antre muitos que yá stan registados, mos dá a saber este cachico de bida, de la sue bida:"

45. L Gato Rabon - O Lince

up.pt/casacomum — Tue, 27 Sep 2022 00:01:00 +0000

“La lhéngua mirandesa stá a la borda de la stinçon an Pertual...

...se Pertual nun s’aporcata yá i cun alma, este patrimonho zaparcerá cumo lhéngua biba antes de 2040."

44. Quien sou you? (1)

up.pt/casacomum — Fri, 16 Sep 2022 17:02:24 +0000

"Quien sou you?

You sou José, melhor dezido, sou Jusé an mirandés. Á Jusé anda cá. Á Jusé bai eilhi, etc. ...

Hoije ando a fazer 102 anhos: parece que nun fago más, nada más fago, portanto eisisto."

Purmeira parte d’un testo de l Padre José Francisco João Fernandes

43. La Penitença

up.pt/casacomum — Sat, 09 Jul 2022 11:32:10 +0000

"- Botai-me la buossa bençon, senhor abade, que you pequei…"

42. Morriste-me, de José Luís Peixoto (Capítelo 4 – final)

up.pt/casacomum — Mon, 27 Jun 2022 13:33:00 +0000

"Eras un pouco muito de mi. Çcansa, pai. Quedou la tue risica ne l que nun squeço, quedeste todo an mi. Pai. Nunca squecerei."

41. Morriste-me, de José Luís Peixoto (Capítelo 3)

up.pt/casacomum — Sat, 11 Jun 2022 19:24:00 +0000

"Andei a saber de ti para alhá de la mimória, nas squinas que solo nós conhecemos, i nun te bi. Bi solo, ne l negro de las squinas dantes alumiadas, l negro de la tue falta, la delor sien fin que solo se puode sentir. Andei a saber de ti nas squinas de la nuite."

40. Morriste-me, de José Luís Peixoto (Capítelo 2)

up.pt/casacomum — Thu, 26 May 2022 18:09:35 +0000

"Se stubisses eiqui, yá me staba a purparar i a ajeitar para salir de la carrinha. Yá staba a planear i a pensar adelantrado, cumo tu pensabas, pai."

39. Morriste-me, de José Luís Peixoto (Capítelo 1)

up.pt/casacomum — Fri, 13 May 2022 15:34:52 +0000

“Bolbi hoije a esta tierra agora cruel. La nuossa tierra, pai. I todo cumo se cuntinuasse."

38. Todos ls homes son maricones…

up.pt/casacomum — Sun, 24 Apr 2022 19:04:14 +0000

"Todos ls homes son maricones quando stan cun gripe / Fai-me pan lebe / i un chazico / Nun t’alhebantes / que quedo solico / Eiqui you solo / a apodrecer / Ai Lurdes Lurdes / que me bou a morrer."

António Lobo Antunes

37. L Perro Scumioso

up.pt/casacomum — Fri, 08 Apr 2022 17:38:13 +0000

"Un Tiu rico tenie un perro que deixou de comer..."

36. Capa d'Honras

up.pt/casacomum — Thu, 31 Mar 2022 15:33:02 +0000

Falar an Capa d’Honras, essa guarda, proteçon i agarimo de pastores i buieiros ne ls lhargos eimbiernos de l Praino, sien honrar tamien la mulhier mirandesa, ye, a nuosso ber, deixar maniega la eizaltaçon de la Capa d’Honras.

35. Agora ye la mie beç!

up.pt/casacomum — Fri, 18 Feb 2022 18:31:18 +0000

“Esta cultura de rejistença i ls pedamiegos que la aguántan, son ardança nuossa i frol de la denidade de la nuossa giente."

34. Carapucico Burmeilho

up.pt/casacomum — Fri, 28 Jan 2022 15:41:14 +0000

“Tamién hay quien cunte que doutra beç, quando Carapucico Burmeilho l lhebaba bolhos a la abó…”

33. La Cunfisson

up.pt/casacomum — Wed, 12 Jan 2022 23:46:44 +0000

La Cunfisson de Salustriano, ua cuonta de Alfredo Cameirão.

32. L Natal de Tie Bernixe

up.pt/casacomum — Thu, 23 Dec 2021 20:05:26 +0000

“Botou ua praga abafada pul lhenço negro amouchado cul xaile de la mesma quelor, um búltio que a pouco i pouco se desipaba antre la nubrina que habie ua semana todo ancubrie.”

31. L quelubron

up.pt/casacomum — Thu, 09 Dec 2021 20:04:59 +0000

“L quelubron” ye ua pequeinha passaige cuntada na purmeira pessona por Tiu Tibério Delgado, ferreiro de Zenízio: “agora bem podes engordar… com essa feijoada!”

30. Fiesta de ls Dançadores

up.pt/casacomum — Tue, 23 Nov 2021 20:35:45 +0000

Ampeça cedo la fiesta, an Samartino i que mui bien Michel Giacometti decumenta al agarrar las palabras de Tiu José João da Igreja, gaiteiro de Infainç. Tiu Domingos Meirinhos cunta-mos cumo era ne l sou tiempo. Hoije, ls dançadores, gaiteiros, caixeiros i bumbeiros, de sigunda ou terceira geraçon, todos nacidos i a bibir por ende afuora, bénen de l Porto, Lisboua, Bordéus… i de tantos outras cidades de l paíç i de l’Ouropa, para que la fiesta de fága i la tradiçon se mantenga.

29. Passadores i contrabandistas

up.pt/casacomum — Thu, 11 Nov 2021 22:24:21 +0000

https://www.up.pt/casacomum/podcast-player/21761/29-passadores-i-contrabandistas.mp3

Subscrever: RSS | Spotify

Samartino d’Angueira, adonde las cuontas d’eimigraçon, de passadores i de contrabando mos deixan presos a las cumbersas durante horas i horas a filo. Poder oubi-las de ls protagonistas ye un prebileijo. Que l filon nun acabe…

Bien háiades Tie Marie i Tiu Diamantino.

28. Senhora de la Lhuç

up.pt/casacomum — Mon, 01 Nov 2021 17:38:35 +0000

“Al loinge, mirado zde la Prainada, aquel quegulho de tierra más parece un formigueiro a anchir-se cumo quien cumpre pormessa para eilhi star. Seran ls decendientes de las gentes desse Castro que anho atrás d’anho chuben al cabeço?”

27. Assinatura de la Carta Ouropeia de las Lhénguas Regionales ou Minoritairas

up.pt/casacomum — Wed, 13 Oct 2021 17:25:19 +0000

Nun ato stórico, l Goberno de Pertual assinou ne l passado die 7 de setembre la Carta Ouropeia de las Lhénguas Regionales ou Minoritairas. Fizo-lo assumidamente por ganas de quadrar la quemunidade falante de mirandés i cumo respuosta a ls pedidos que tenemos benido a fazer yá anhos a par de la Cámara de Miranda. Trata-se dua grande bitória de la Associaçon, de la quemunidade falante de mirandés i de la Tierra de Miranda, cun l maior sentido possible, solo acumparado a la publicaçon de la Lei de l Mirandés.

26. Cun Gusto a Moras – Adelaide Monteiro

up.pt/casacomum — Fri, 03 Sep 2021 13:02:48 +0000

“Cun Gusto a Moras” trai ua poesie d’alboroto, cumo l riu, mas apuis tamien se queda an remánsio adonde las gaibotas çcansan ne l arenal: L sal toma cuonta de ti cumo quien atama palabras an cachoneira anxalaugando horas muortas.

————————-

Música – excerto de:

Dinis Meirinhos, Concerto para guitarra e orquestra n.º 1 (I – Praino)

25. Lhuç Miranda

up.pt/casacomum — Thu, 12 Aug 2021 11:19:50 +0000

La brutalidade de las eimaiges de ls ninos, çcalços, rotos, de moncas cumo candiles siempre prontos a alhumbrar l camino de sues bidas, deixarie a Gérard Bloncourt i ls sous bidonville na sala más scura de la galaria d’arte.

24. Pendones

up.pt/casacomum — Fri, 09 Jul 2021 22:28:24 +0000

Cun ouriges na Recunquista Crestiana – anho 711 an Covadonga – ls Pendones ténen dues funciones prancipales:

1. Por un lhado, serbir de referéncia, a la cabalharia i tropas a pie, porque hai necidade dua seinha de pertenéncia a un cierto ajuntamento durante las batalhas i ls torneios;

2. Por outro, tamien l Pendon dá proteçon a quien se “resguardaba” i eidenteficaba cun essa seinha.

23. Manuol Sardina

up.pt/casacomum — Fri, 25 Jun 2021 18:52:40 +0000

ye l Abade de Samartino, Manuol Sardina.

Manuol Sardina, de sou nome Manuel Joaquim Sardinha i cun l pseudónimo literairo “Manuel Sardenha” gui abade de Samartino. Naciu eiqui a 20 de júlio de l anho de 1841 i tamien eiqui se morriu a 4 de abril de 1911 yá republicano cumo siempre deseou.

Andubo por Coimbra adonde, antre outros, se fizo amigo de Antero de Quental, i apuis por Braga adonde se formou Abade, regressando a la sue tierra. Deiqui screbiu muitos poemas i dalguas cartas a ls académicos de l sou tiempo. Hoije oubiremos la 3.ª carta a José Leite de Vasconcelos.

22. Ua lhéngua cunfessa-se, talbeç pormessa, quaije jura

up.pt/casacomum — Fri, 11 Jun 2021 11:46:40 +0000

hei de multeplicar,

cumo ls bielhos cumbertidos,

seinhas nas oumbreiras de las puortas

por adonde puodan antrar raças de nuoba lhuç

i boziá-le als anquesidores

que nun mos smagará la tortura de sue andefréncia

21. Las purmeiras missas de l pastor

up.pt/casacomum — Fri, 28 May 2021 18:28:23 +0000

Daprender por eimitaçon nien siempre inche barriga. Las bodas son cada beç más scassas!

20. Santo Andrés

up.pt/casacomum — Fri, 14 May 2021 00:24:56 +0000

Corrie l més de agosto de 2012. L trabalho de campo era çcubrir i assinalar todas las cruzes i capelhicas de l Praino. Santo Andrés seguie sendo ua mimória que benie zde mui loinge, de tan loinge que anque yá l camino se houbira perdido, las fondas mimórias de l nino sacristan inda guardában esse ricon mágico.

19. Moços de Samartino

up.pt/casacomum — Wed, 05 May 2021 01:13:23 +0000

Síguen uito dançadores

bien guapos i spigadotes:

quatro tocan castanhuolas,

ls outros quatro, palotes.

18. La Spalda

up.pt/casacomum — Fri, 16 Apr 2021 21:59:48 +0000

Miranda. Amprecípios de ls anhos 70 de l séclo XX, a bien dezir finales de la eidade média. Para poder firmar liçaces de bida, solo l saber ou la eimigraçon. La Raia queda sien gente i l Praino ampeça a sangrar.

17. L Bidro i la Arena

up.pt/casacomum — Sat, 03 Apr 2021 21:17:30 +0000

L Bidro i la Arena ya ua cuonta oureginal de Galopim de Carvalho, traduzida a quatro manos por Alfredo Cameirão e Alcides Meirinhos, an 2009, i que fai parte de l libro “Cuontas de la Dona Tierra” screbido por Maria Helena Henriques, Maria José Moreno i Galopim de Carvalho.

16. Panes cun murron

up.pt/casacomum — Fri, 19 Mar 2021 01:36:43 +0000

Monólogos de solidon, de Adelaide Monteiro, son cumbersas al telemoble, de mai para filha, de abó para nietos i biznietos, de la filha de tiu Abelino para todo mundo!

15. L Teçtamento de l Galho

up.pt/casacomum — Thu, 04 Mar 2021 22:05:53 +0000

An muitos lhugares de la Tierra de Miranda habie la tradiçon de dar un galho a la porsora ou porsor, ne l die d’Antruido.

Apuis de dar la buolta al lhugar, anriba dun andor bien anfitado, era hora de ler l teçtamento, a la puorta de la porsora i antes de l bicho mudar de amo.

Este teçtamento, que a seguir oubireis, fui screbido por Tiu Antonho Andreia, de Cicuiro, i recolhido pula sue nieta Aida Fernandes.

Eiqui bai.

14. L Stalhico

up.pt/casacomum — Sun, 21 Feb 2021 12:30:41 +0000

Tortulhas, tierra de l Praino cun sues personaiges de cuontas deste mundo i de l outro, trai-mos hoije “L Stalhico”, ua passaige retratada por quien tan bien conhece sues rugas i sues gentes: Alfredo Cameirão.

Pontuações musicais – fragmentos de:

Cantar de Reis. Cantos de la Nuôssa Tiêrra, Malhadas, Miranda de l Douro, Sons da Terra, 2000; Pica-me ua china, La lhiêbre. Mirandum, Mirandela, GEMP/La Talvera, 1995; Encomendação das almas, Ró-ró. Música Regional Portuguesa, vol. 2, Trás-os-Montes, Strauss/Portugalsom, 1998; La serena de la noche. Cantigas da Segada, Caçarelhos, Vimioso, Sons da Terra, 1999

13. Ls çapatos de tacon alto

up.pt/casacomum — Fri, 05 Feb 2021 20:31:50 +0000

“Tiu Abelino, l ferreiro, tenie un galho”… L restante de la cuonta lhieba-mos a esse mundo mágico de Adelaide Monteiro i que eilha andona cumo naide.

La Speciosa, cun sou termo i las sues gentes ye la casa adonde siempre torna, an cuontas, bersos, cantigas, mundos… raízes.

12. Hoije fago anhos

up.pt/casacomum — Sat, 23 Jan 2021 01:33:42 +0000

De loinge, ne l paíç que tamien ye nuosso, amóstran-mos puiales lhabados a anfitar rugas mudas i cozinas cumpuostas cun scanhos frius i dízen: ye la letecidade! La modernidade! La lhuç! La que sal de l Riu!

11. Lusbel, l diabo

up.pt/casacomum — Fri, 08 Jan 2021 11:02:42 +0000

Lusbel, ye ua figura salida de ls quelóquios mirandeses, essa representaçon cun raízes Bicentinas que inda hoije ten sido traída a las pessonas, por dalguas Associaçones culturales, mormente la Associaçon Todas, que, an Malhadas, ua beç por anho, ten mantubido biba essa tradiçon tan mirandesa.

Además, ye tamien Lusbel, al tiempo, l speilho de la bida nun qualquiera lhugar de l Praino.

10. La Mona Negra – Ua cuonta de Natal

up.pt/casacomum — Thu, 24 Dec 2020 07:00:00 +0000

Tierras de Miranda, esta Tierra Mágica, bibeiro de eimigrantes fuora i andrento de l sou paíç, solo a muito custo sal de la Eidade Média ne ls anhos 60 de séclo XX.

Malgarida i la sue mona, son ls protagonistas riales desta cuonta que ye tamien l speilho de las raízes que fázen cun que ls mirandeses rejístan por adonde quiera que báian an busca de melhor bida.

L porgrama d’hoije bai a ser tamien passado ne l Podcast P24 de l Jornal Público deste die de cunsoada, 53 anhos apuis de la cena de cunsoada de Malgarida, an 1967.

(24/12/2020)

9. Padre Telmo Ferraz

up.pt/casacomum — Tue, 15 Dec 2020 20:05:13 +0000

Pula purmeira beç neste pequeinho cachico de fala, botaremos eiqui ua antrebista an pertués, mas mesmo que esta lhéngua nun tenga raízes na Tierra de Miranda, eiqui eilha sal de l coraçon mirandés, de ls lhugares i de las bidas de las pessonas de l Praino que eiqui son faladas.

Ye essa boç de l Padre Telmo Ferraz, 95 anhos feitos l més atrasiado, la teçtemunha biba de l tiempo de cunstruçon de las barraiges, filho de las arribas nacido an Breçó, que eiqui mos fala.

Cumo el diç: Eu sou um apaixonado pelas Tierras de Miranda. Eu nem posso ir ao Planalto, sabe? (… … ) Fico comovido … o Planalto Mirandês ficou gravado dentro de mim.

Hoije oubimos la sue boç, mui debrebe la ALCM botará ua reeidiçon de sou lhibro “L Lhodo i las Streilhas”.

8. Tiu Moisés

up.pt/casacomum — Wed, 02 Dec 2020 23:01:39 +0000

L sol baixo de la fresca manhana d’outonho entra pulas portaladas abiertas que znúdan la carpintaria, adonde l torno de l bielho banco de carpinteiro sigura l cepo que dará un Rei Mago de l presépio an cunstruçon.

L carpinteiro scultor, Tiu Moisés Fernandes, de Cicuiro, arrimou grossa i goibas, afilou la lhéngua e la cumbersa saliu natural cumo l’auga que passa no ribeiro eilhi al lhado.

7. Padre Zé – Cien anhos de fala

up.pt/casacomum — Wed, 18 Nov 2020 00:17:22 +0000

100 anhos!

Hoije festejamos los cien anhos de l Padre Zé.

Naciu an Cicuiro a 18 de nobembre de 1920, fui de los purmeiros cicuiranos a fazer la quarta classe i l purmeiro a tener un curso superior. Fui porsor, scritor i poeta. Zde nino que ganhou la manha de ler i de screbir, cousa que inda agora fai cun codícia i saber.

Apresentamos-bos l outor de, antre outras obras, La Mona l Maio, José Francisco João Fernandes, la buona alma que an cada cumbersa sentimos la lhéngua mirandesa a benir a la flor, por mui amachacada que tenga sido durante tanto tiempo.

Arrimai-bos a este terreiro.

6. L Uolmo de l Minga

up.pt/casacomum — Fri, 06 Nov 2020 00:01:45 +0000

Hai dues árboles que siempre fúrun fincones de todo l Praino: ls freznos i ls Uolmos. Estes, secórun-se todos nos anhos uitenta de l séclo XX. chegában a tener toradas que a dous homes l custaba a abraçá-los i más altos que la maior parte de ls campanairos que porqui hai. Cun madeira lebe, fibrosa i eilástica, deilhes salien decedas de carros, canhiças, cabos de guinchas, fuolha pals cochinos, galhas para canhiças de l chequeiro … i selombra. Muita selombra.

No libro de cuontas screbido por Alfredo Cameirão, Tortulhas - cuontas deste mundo i de l outro - un clássico de la literatura mirandesa, apresenta-se-mos l Uolmo de l Minga, ua árbol que ye tamien un retrato de tantas tierras, mas sacado nesta que tamien se chama Tortulhas.

Quien mos cunta esta cuonta ye Cristina Ribeiro.

5. Porsor Almendra

up.pt/casacomum — Thu, 22 Oct 2020 16:41:51 +0000

Hoije staremos a la cumbersa cun Tiu Jesé Luís Almendra, porsor, adbogado, pensador, atibista, por muitos cunsiderado un Senador de la Tierra de Miranda.

Eiqui mos trazerá, solo cumo amprecípio de cumbersa, dalguas cuontas i pensares.

4. Tiu Altino

up.pt/casacomum — Thu, 08 Oct 2020 23:43:41 +0000

Neste tiempo de sementeira, bendimas i soalheiro que apetece, ls puiales fázen jóldia a las palabras. Nun deilhes, na Pruoba, stubimos a la cumbersa cun Tiu Altino Falcão, de quien oubimos cuontas a la abrigada de la sue antiga scola…

3. Fabíola Mourinho, escritora i fazedora de músicas i cantigas

up.pt/casacomum — Thu, 24 Sep 2020 16:30:19 +0000

Neste Terreiro, staremos a la cumbersa cun Fabíola Mourinho, escritora, ama dua boç única, i fazedora de músicas i cantigas. Mas, más que ls adjetibos que eiqui puodamos dezir para qualificar a Fabíola, melhor do que nós, cada un de bós ls poderá sacar de las palabras i de las eideias que eilha mos apresenta.

Bien benidos.

2. Tiu Aureliano, gaiteiro i tamborileiro de Costantin (2)

up.pt/casacomum — Fri, 04 Sep 2020 23:10:22 +0000

Sigunda parte de la cumbersa cun Tiu Aureliano Ribeiro, an que mos fala de la fiesta de l solstício d’ambierno, dedicada a San Juan Eibangelista, no sou lhugar de Costantin i cumo lembra l ancuontro cun personalidades cumo Arnesto Beiga de Oulibeira i Michel Giacometti, que registrórun la ancestralidade única de la tradiçon mirandesa i cumo quedórun ancantados por eilha.

1. Tiu Aureliano, gaiteiro i tamborileiro de Costantin (1)

up.pt/casacomum — Sun, 16 Aug 2020 16:48:24 +0000

Purmeira parte d’ua cumbersa cun Tiu Aureliano Ribeiro, an que mos fala de cumo, por anfluéncia de sou pai, l conhecido tamborileiro Bergílio Cristal, las tradiçones musicales i artesanas mirandesas ban a marcá-lo an toda sue bida. Esta ye tamien ua oucasion única para oubirmos cumo eran las grandes fiestas de l anho que animou cumo músico i cumprendermos la amportáncia destes momentos de la bida de las gentes de l Praino.